Honda мен Nissan серіктес бола ма?

2024 жылдың аяғында Honda мен Nissan күш біріктірсек деген ниетпен меморандумға қол қойған. Алайда мәміле барысында тығырыққа тіреліп, тіпті былтыр ақпанда екеуінің арасындағы байланыс үзілді.

Дегенмен екі тарап та ойын өзгертіп, келіссөз үстеліне қайта отыруға бел буды. Nikkei Asia басылымы таратқан ақпаратқа сүйенсек, Honda-ның қазіргі президенті Тосихиро Мибэ «әңгіме жақсы өрбіп жатыр, жуырда толық мәлімет береміз» депті.

Қос компания өз өнімдеріне ғана емес, Mitsubishi көліктеріне де қойылатын электрондық басқару блогын әзірлеу жобасын қолға алатын сияқты. Компонентті дәстүрлі техникадан бөлек, гибрид пен электромобильге орнатуға болады. Үш өндірушінің машиналары 2029 не 2030 жылы ортақ «ми» алады деген болжам бар.

Жапон маркаларының қоян-қолтық жұмыс істеуіне Nissan-ның 15 % акциясына иелік етіп отырған Renault кедергі келтіруі мүмкін. Инсайдерлер екі жыл бұрын келіссөздің сәтсіз өтуіне француздар ықпал етті деп санайды.