Қазақстанға Haval Dargo кроссоверінің келетіні былтыр күзде белгілі болған. Жақында модель көлік типін мақұлдау құжатын алды.
Құжат бойынша автокөлік марканың Туладағы зауытында құрастырылады. Сатып алушы алдыңғы және толық жетекті нұсқаның бірін таңдай алады. Моножетекті көлік толық жетекті болыпты. Еніндегі айырмашылық 20 мм-ді құрайды. Басқа өлшемдері бірдей: ұзындығы — 4620 мм, биіктігі — 1780 мм, ал дөңгелек базасының көлемі 2738 мм-ге тең. Толық жетекті нұсқа екіншісінен 115 келі ауыр (1815 кг).
Машина 2 литрлік турбомотор арқылы қозғалады. АИ-92 бензинін азық ететін темір тұлпар 192 ат күші мен 320 Нм момент береді және тек 7 сатылы автоматпен жабдықталады. Алдыңғы аспасы Макферсон схемасымен жасалған, артына көп иінтіректі аспа орнатылады. Жиынтық түріне байланысты 18 және 19 дюймдік дөңгелек қойылады.
Опциялар тізімінде бейінді круиз-бақылау секілді электронды көмекшілер мен көрінбейтін аймақты, жолақты бақылау, артқа жүргенде кедергі барын ескерту сынды мониторинг жүйелері бар.
Жаңа көлік Қазақстан мен Ресейдегі автосалондарға қашан жеткізілетіні әзірше белгісіз.
Комментариев: 0