Li Auto i9-дың сипаттамасы белгілі болды

Li Auto гибрид топтамасын жаңартқан соң енді жаңа электрлі кроссоверін таныстыруға дайындалып жатыр. Жақында компания i9-дың алғашқы суретін көрсеткен, енді жергілікті шенділер оның бірқатар техникалық сипаттамасын жариялады.

Ірі i9 электромобилі марканың атауында «i» қосымшасы бар өзге модельдерімен бірдей дизайн стилінде жасалған. i9-дың ұзындығы 5225 мм, демек ол i8-ден 140 мм үлкен. Ал ось арасындағы қашықтық 118 мм артық (3050 мм және 3168 мм).

Кроссовердің интерьер суреті әлі жарияланған жоқ, бірақ комфорт деңгейі мен бос кеңістігі бойынша жаңа өнім Li Auto Mega минивэнінен кем болмайды. Сондай-ақ машинаның креслоларын бір-біріне қаратып бұруға болады.

i9 800 вольтты архитектураға негізделген әрі екі моторлы күштік ққрылыммен жүреді. Алдыңғы қозғалтқыш — 204, артқы мотор 240 ат күшін береді. Өнеркәсіп министрлігінің құжатында автомобиль батареясы туралы ақпарат жоқ, бірақ бұл модельге CLTC циклі бойынша 800 км жүріс қорын қамтамасыз ететін 120 киловаттық батарея орнатылады деген болжам бар.

Li Auto i9-дың тұсаукесері биыл қыркүйекте өтеді.