GAC Қазақстанға S7 гибрид кроссоверін әкелді

GAC Қазақстанға ресми түрде 2023 жылы келгенмен, бірнеше жыл ішінде ең көп сатылатын брендтердің қатарына ене алмады. 2025 жылдың қорытындысы бойынша дилерлер небәрі 728 көлік сатқан. Биыл брендтің Қазақстандағы тарихында жаңа кезең басталды. Марканың дистрибуциясы Aster-ден Allur-ге өтті. Топтамадағы машинаның бәрі Қостанайдағы зауытта жасалады. Модельдер қатарына жаңа гибрид қосылды.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

GAC өкілдері ұзындығы 4.9 метр, дөңгелек базасы 2.88 метр болатын бензоэлектрлі S7 кроссоверін ресми түрде таныстырды. Капот астында 156 ат күшіне ие 1.5 литрлік турбомотор тұр. Ол генератор қызметін атқарады, ал дөңгелектерді жалпы қуаты 340 ат күшіне тең екі электрлі қозғалтқыш айналдырады. Гибрид жүйе 36.3 кВт·сағ LFP аккумуляторынан қуат алады. Ол WLTC циклі бойынша 125 шақырым еңсереді. Жалпы жүріс қоры — 867 км.

Қытайда бұл модель Trumpchi S7 атауымен белгілі. Ол — тізбекті емес, параллель-тізбекті гибрид. Яғни, іштен жанатын қозғалтқыш батареяны қуаттайды және алдыңғы дөңгелектерді айналдыра алады. Қазақстан мен Ресейде (Umo 8) көлік тек тізбекті гибрид ретінде сертификат алған.

Бес орынды кроссовердің екі түрленімі бар. Max 19.5 млн теңге тұрады. Ол 10 қауіпсіздік жастығы (жүргізушінің тізесі мен алдыңғы орындықтар арасындағы эйрбэг), жүргізуші ассистенттерінің кең жинағы, анимация көрсете алатын интеллектуал жарық техникасы, екі аймақты климат-бақылау, барлық орындықты жылытқыш және желдеткіш, алдыңғы жолаушыларға арналған массаж, рөл, алдыңғы әйнек және әйнек жуғыш бүріккішін жылытқыш, арқалығы 137 градусқа дейін шалқайтын екінші қатардағы жайлы кресло, сымсыз қуаттағыш, 15.6 дюймдік мультимедиа және 8.88 дюймдік цифрлық аспаптар панелімен жабдықталады.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

GAC S7 салонының архитектурасы Қытайдың заманауи көліктеріне тән стильде жасалған

Жүргізушінің алдында 9 дюймдік ықшам цифрлық аспаптар панелі және түрлі-түсті проекциялық дисплей тұр. Соңғысы тек қымбат комплектацияда бар

Екі шабақты рөл екі джойстикпен және бірнеше батырмамен жабдықталған. Пайдаланушы екеуінің функциясын баптай алады

Аспаптар панелінің дисплейінде артық ақпарат жоқ

Барлық нұсқада 15.6 дюймдік экраны бар медиакешен тұр. Оның арты жылжымалы динамик бар. Бұл – үздік комплектациядағы жақсарған аудиожүйенің бір бөлігі

Ортаңғы консольде екі смартфонға арналған орын бар, бірақ сымсыз қуаттағыш тек сол жағында

Климат жүйенің кейбір баптамасын шағын пульт арқылы реттеуге болады

Кроссовердің есіктері автоматты түрде жабылады және салон ішінен батырма арқылы ашылады

Механикалық ашу тұтқасы да бар

Алдыңғы жолаушы орындығын жүргізуші орнынан да, артқы қатардан да жылжытуға болады. Орындықтың бүйірінде жеке басқару пульті бар

Комплектациясына қарай жүргізуші орындығы алты немесе сегіз бағытта электр жетегі арқылы реттеледі. Алдыңғы орындықтардағы массаж функциясы екі комплектацияда қолжетімді

Артқы оң жақта кресло тұр

Екінші қатардағы жолаушылар үшін климат жүйенің жеке блогы жоқ. Дегенмен олардың орындықтары жылыту, желдету және массаж функцияларымен жабдықталған. Бірақ массаж тек Ultra нұсқасында бар

1 / 21

Үздік Ultra нұсқасында Nappa былғарысымен қапталған орындықтар, күдерімен әрленген төбе, екі қабатты алдыңғы және артқы әйнектер, 21 динамикті аудиожүйе, екінші қатардағы орындықтарға арналған массаж, кең диапазонда электр көмегімен реттелетін алдыңғы орындықтар, проекциялық дисплей және қосымша жүргізуші көмекшілері бар. Оған «мөлдір капот» функциясы мен автоматты тұраққа қою жүйесі кіреді. Бағасы — 21.5 млн теңге.

1 / 11

• 
• 
• 
• 
• 
• 
• 
• 
• 
• 
• 

GAC S7-нің ресми презентациясына барған қонақтар автомобильді тест-драйвтан өткізіп, гибрид кроссовердің жолсыз жердегі мүмкіндіктерін көрді

1 / 11