Қытай маркалары Еуропада танымал бола бастады

Биыл ақпанда Еуропаның 28 елінде электромобильге сұраныс 26 % артқан. JATO Dynamics сарапшыларының есебінше жалпы сатылған 164 100 машинаның 20 мыңы – аспан асты елінің өнімдері.

Үздік Қытай бренді атанған BYD 4436 электрокар өткізіп, жалпы рейтингте 15-орынға тұрақтады. Осылайша, BYD былтырғы ақпанмен салыстырғанда 94 % өсім көрсетті, ал Xpeng-тің нәтижесі — 259 %.

Қыстың соңғы айында Еуропа жұрты 15.7 мың Tesla алды, бір жыл бұрын компания 28.1 мың электрокардың кілтін тапсырған. Volkswagen 19.6 мың батареялы машина өткізіп, брендтер арасындағы рейтингте көш бастады.

2025 жылғы ақпандағы Еуропаның жаңа электромобильдер нарығындағы үздік 10 марка

Ақпанда Еуропадағы электрокар нарығының небәрі 9.6 %-ын Tesla өнімдері құраған, бұл кейінгі бес жылдағы ең нашар көрсеткіш. Жыл басынан бері Tesla модельдерінің үлесі 7.7 %-дан аспады.

Tesla саудасының төмендеп, бәсекелестерінің жақсы нәтиже көрсетуіне жаңарған Model Y-дың аз жеткізілуі себеп болды. Ақпанда Еуропада мұндай кроссовердің 8.8 мыңы иесін тапты, бұл былтырғыдан 56 % төмен. Аймақта аса танымал Топ-10 батареялы машина тізіміне Tesla Model 3, Volkswagen ID.4, Renault 5 E-Tech, VW ID.7 мен ID.3, Kia EV3, Citroen C3, Skoda Enyaq және BMW iX1 кірді.

2025 жылғы ақпандағы Еуропаның жаңа электромобильдер нарығындағы үздік 10 модель