Euro NCAP краш-тест әдістемесін жаңартты

2026 жылдан бастап Euro NCAP автомобильді жаңарған әдістеме бойынша сынақтан өткізіп жатыр. Енді сынақ төрт категорияға бөлінеді: қауіпсіз жүргізу, жолаушы мен жаяу жүргіншіні белсенді және пассивті қорғау және жол апатынан кейінгі қауіпсіздік. Соңғы категорияға апаттан кейін есік оңай ашыла ма, электромобиль батареясы қалай жұмыс істейді деген сияқты бағалаулар кіреді.

Жаңарған ереже физикалық тестпен қатар виртуалды сынақты да қамтиды. Сол арқылы мамандар дене бітімі әртүрлі адамдар үшін машинаның қауіпсіздік деңгейі қандай екенін бағалайды.

1 / 8

Euro NCAP обновила методику краш-тестов. Первые результаты

Zeekr 7GT

1 / 8

Инженерлер жаңа әдістеме бойынша ең алдымен батареялы BMW iX3 пен Zeekr 7GT-ді (Қытайда 007 GT деп аталады) сынап көрді. Сынақ талабы қатаң болғанына қарамастан, екі модель де бес жұлдызды баға алды. Бірақ барлық категорияда Қытай көлігі жоғары нәтиже көрсетті.

Бейімді круиз-бақылау, қауіпсіздік белдігін тақпағаны туралы ескерту сияқты электрондық көмешілердің жұмысы, сондай-ақ интерфейс пен эргономика сынақтан өтетін қауіпсіз жүргізу категориясында BMW iX3 — 73 %, Zeekr 7GT 79 % ұпай жинады. Zeekr универсалының баллы тачскринге тым тәуелді болғаны үшін төмендеген.

1 / 8

BMW iX3

1 / 8

Белсенді қауіпсіздік кешені бойынша Zeekr — 89 %, BMW 83 % көрсеткішке қол жеткізді.

Нақты краш-тестте де қытайлық универсал көп балл жинады (93 %), ал iX3-тің көрсеткіші — 86 %. BMW кроссовері бетпе-бет соқтығыс кезінде жүргізушінің кеуде тұсын жеткілікті қорғай алмады, сондай-ақ жаяу жүргіншімен соқтығыстың алдын алу деңгейі де әлсіз болып шықты.

Жол апатынан кейінгі қауіпсіздік сынағында екі автомобиль де өте жоғары нәтиже көрсетіп, 95 % балл алды. Электрокарлар жол апаты болған жағдайда батареяны автоматты ажыратып, есік құлыпын ашады әрі төтенше жағдайлар қызметін өздігінен шақыра алады. Бірақ Euro NCAP мамандары екі модельдің де жедел қызмет шақыру жүйесінің жұмысын тағы жетілдіру қажет деп санайды.

Комментариев: 0