Метрология мамандары «Жолаушылар такси тасымалдары бойынша автокөлік қызметтері» стандартын әзірлеуге кірісті. Сонымен қатар құжатта «пайдалану мерзімі 15 жылдан және жүрісі 500 мың шақырымнан асқан такси көлігін пайдалануға» тыйым салатын норма белгілеу жоспарланған.
Стандарт қабылданса, 1990 жылдары шыққан көлік иелері ғана емес, 2000 жылдардың алғашқы ондығында шыққан көлік иелері де ресми түрде такси қызметін атқара алмайды. Көлік бақылау комитеті мұндай көлікті жолаушы тасымалдауға пайдаланғаны үшін таксопаркқа заңды түрдей айыппұл салуы мүмкін.
Тыйым салудан бөлек, стандартқа таксидің сырт келбетіне (төбесінде тұратын белгі, жүргізуші карточкасы және т.б.), сапар алдындағы міндетті медициналық тексеруден өткеніне, қауіпсіздік параметрлеріне, тазалығына және т.б. қойылатын талаптар қосылады.
Әзірлеушілер VIP таксиді жеке категорияға бөлуді ұсынып отыр. Жоғары тарифпен қызмет көрсететін машиналарда мыналар болуы керек:
- өлшемдері: ұзындығы
4.6 м-ден асатын және ені1.7 м-ден асатын; - такси салонындағы ауа температурасын баптау жүйесі (климат-бақылау);
- бұғаттауға қарсы тежеуіш жүйесі (ABS);
- жүксалғыш бөлігінің корғаныш қаптауы;
- әр жолаушы орындығында бас тіреуіштер;
- қауіпсіздік жастығы;
- GPS жүйесі — бейнетіркеуіш.
Қазіргі таңда Қазақстандағы такси қызметі «Автомобиль көлігі туралы» заңмен реттеледі. Ал таксиде жүретін көліктің жасы онда ресми түрде көрсетілмеген.
Комментариев: 0