… егер такси жүргізушісі тасымалдаумен ресми түрде айналысса.
«Маршрутты көлік құралдарына арналған жолағы бар жолдарда … қоғамдық көліктен басқа көлік құралдарының қозғалысына немесе аялдауына жол берілмейді» деп жазылған ЖҚЕ-не үңіліп көрейік.
Ал «Автомобиль көлігі туралы» заңға сай, «қоғамдық көлік — жолаушылар мен багажды автомобильмен тұрақты және тұрақты емес тасымалдауды жүзеге асыратын, көпшілік пайдаланатын көлік, сондай-ақ такси».
Бұған қоса жолда тек таксопарк өкілдері ғана таксишілей алмайды. «Таксимен тасымалдаушы — жолаушылар мен багажды таксимен тасымалдау бойынша қызметтер көрсететін дара кәсіпкер немесе заңды тұлға». Тиісті өзгертулер 2017 жылы енгізілген.
Таксидің ресми екендігін және автобус жолағымен жүре алатындығын қалай білуге болады?
Алматы мен Астанада арнайы жолаққа ерінбегеннің бәрі шыға беретіні рас, ал лицензиясыз жүргізушілер тіптен. Бірақ бұл әрдайым 3 АЕК көлеміндегі айыппұл арқалау қаупін тудырады, егер әрине жақын маңда патрульдік полиция жүрсе. Такси жүргізушілеріне арнайы жолақпен еркін қозғалу үшін ресми түрде тіркеліп, автокөлігінің сыртқы және ішкі көрінісін автомобиль көлігімен жолаушылар мен багаж тасымалдау Ережелеріне сай ретке келтіру қажет. Такси ретінде қызмет етуге тек рөлі сол жақтағы, кем дегенде төрт бүйірлік есігі бар, және қандай да бір арнайы, оның ішінде толықтай қолмен басқарумен жабдықталмаған көліктер жіберіледі. Такси төбесіне орнатылған, және 500 метрге дейінгі қашықтықтан жақсы ажыратылатын айырымдық белгімен жабдықталады. Айырымдық белгіде «Т» (такси) деген жазу және/немесе ерекше арнайы белбеу болуы тиіс және тәуліктің қараңғы мезгілінде жарықтандырылуы тиіс.
Такси шанағының түсін тасымалдаушы өзі анықтайды, сыртқы екі бүйірі шахматтық тәртіппен орналасқан қара және (немесе) сары шаршылардан құралған белдеумен биіктігі 10 см-ден кем емес, және 14 см-ден артық емес өлшемде ресімделеді.
Жеке кәсіпкерлерге көліктің төбесіне «таксилік» жарық шамды орнатып, тек есіктеріне арнайы ерекше белбеу орнатса жетіп жатыр. Қандай да біркелкі түс олар үшін де міндетті емес.
Жуырда Алматы әкімдігі таксиге қоғамдық көлікке арналған жолақпен жүруге рұқсат еткісі келетінін мәлімдеді. Бірақ такси жүргізушілеріне бұған заң онсыз да тыйым салмайды!
Оның үстіне, ережелерде такси жарамды таксометрмен немесе бақылау-кассалық аппаратымен жабдықталуы тиіс деп жазылған.
Қазіргі кезде таксометр ретінде көбіне арнайы қосымшасы бар мобильді құрылғылар қолданылады, алайда, егер төлем қолма-қол ақшамен жасалса, онда фискалды чек берілуі керек. Сонымен қатар, салондағы жолаушылардың көз аясында жүргізушінің аты-жөні, фотосуреті бар визит картасы және мынадай мәліметтер көрсетілген көрсеткіш тақта болуы керек:
- тасымалдаушының ресми атауы, оның мекенжайы мен телефон нөмірлері;
- таксометр болған жағдайда, бір километрге дейінгі жүріс құны, сондай-ақ одан кейінгі қашықтықтарға жүру ақысы. Бұл ақпарат таксопарктер үшін пайдалы.
Осылайша, ресми такси жүргізушілеріне арнайы жолақпен жүруге қазір де ешқандай шектеу қойылмайды. Тек заңды білу және бұзбау қажет. Басқа бір мәселе, автобус жолағына шығып кеткендерді бақылайтын камералардың барлық жеңіл көліктерді белгілейтінінде, себебі таксидің ресми екендігін мемлекеттік нөмірлері бойынша ажырату мүмкін емес.
Сапарыңызға сәттілік тілейміз!
Комментариев: 0