Индустрия және инфрақұрылымдық даму министрлігі ҚР аумағындағы көлік бақылау бекеттерінің жұмысын ұйымдастыру ережесіне енгізілетін түзетулер жобасын әзірледі. Құжатқа сәйкес, стационар және жылжымалы бекеттерді тек «автомагистраль қиылыстары және негізгі халықаралық көлік дәліздеріне» ғана емес, «барлық автожолдар мен елді мекендегі көшелерге» орналастыру ұсынылды.
Бекеттегі бақылаушылар жүк тасымалдайтын, арнайы көліктерді, автобустарды, шағын автобустар мен жолаушы тасымалдайтын жеңіл көліктерді тоқтатады. Жүргізушіден такси қызметін растайтын талон сұралып, машинаның заңнама талаптарына сәйкестігі тексеріледі. Такси көліктеріне қойылатын талаптар жайлы біз өткенде жазғанбыз.
Жоба авторларының пікірінше, бұл жолаушы тасымалын ретке келтіруге мүмкіндік береді.
Комментариев: 0