Ескі GMC Typhoon-ға ұқсайтын Suzuki Jimny

Жапонияда орналасқан C.L.Link ательесі Токиодағы автосалонға Suzuki Jimny-дің Nomade деп аталатын түрленіміне негізделген жаңа жобасын апарады. Шеберлер шағын модельді 1990 жылдары шыққан GMC Typhoon моделіне тән стильде сәндепті. Қызығы, америкалық көлікке Jimmy атауын алған машина негіз болған.

Негізгі өзгеріс алдыңғы бөліктен байқалады. Мамандар қызыл логотипті жаңа радиатор торын, басқа бампер және тікбұрышты фар орнатқан. Арт жағында қосалқы дөңгелек жоқ, шамдар қанатқа ауысыпты. Eibach серіппесі мен Bilstein амортизаторының арқасында жол талғамайтын көліктің аспасы 25 мм төмендеді. Дөңгелек дискісінің өлшемі — 16 дюйм.

Интерьерінде өзгеріс көп емес. Алдыңғы орындықтарын алып тастап, Recaro креслосын қойған, артқысын басқа материалмен қаптаған.

Фирма Tokyo Auto Salon-да жаңа жобасына тапсырыс қабылдай бастайды. Бағасы белгісіз.