1983 жылы Кеңес дәуірінде Chrysler Newport сатып алуға қауқары жететіндердің саны саусақпен санарлық еді. Ол кезде ауқатты кісілердің өзі «Волганы» армандайтын, ал Американың фуллсайз седаны қиял-ғажайып нәрсе саналатын.
Соған қарамастан КСРО-дағы кей адам Ньюпорт деген модель бар екенін білді. Сол жылы «Америка» журналының қазанда шыққан басылымында Америкадағы қарапайым көлік сүйер қауым мен олардың машиналары туралы мақала жарық көрді. Солардың арасында Литтл-Рок қаласында тұратын мұғалім әрі фермер Нолан Макги болған. Ол 1926 жылдан бастап тоғыз көлік ауыстырған, соңғысы 1977 жылғы Chrysler Newport люкс седаны еді.
Тозған автомобильді жаңасына ауыстыруға болады деген түсінік Кеңес одағындағы оқырмандарды таңғалдырды, өйткені соғыстан кейінгі буынның көбі жеке көлікті өмір бойы міну керек деп есептейтін, дәл сол сияқты пәтер де кезекпен берілетін.
Содан бері талай уақыт өтті. Бірақ кейде өткен дәуірдің кейіпкерлері қайта оралады. Bring a Trailer аукционында 1977 жылғы керемет Chrysler Newport саудаға шықты. Седан небәрі 52 миль жүрген, жарты ғасыр жасағанына қарамастан шанағы мен салоны өте жақсы сақталған. Ескірген жерлері бар, бірақ реставрация қажет емес.
Chrysler топтамасында Newport флагман New Yorker моделінен төмен тұрды. Шанақ пен шассиі бірдей болғанмен, Newport-тың комплектациясы қарапайым еді және жасырын фара сияқты сәнді элементтер болмайды. 5.75 метрлік Chrysler 6.6 литрлік V8 және автомат қорабымен жабдықталды, алғашқы жүздікті 12.5 секундта еңсерді.
Сатушының айтуынша машина автосалоннан шыққан күннен 2009мжылға дейін жылы, құрғақ гаражда тұрған, иесі онымен небәрі 31 миль жүрген. Екінші иесі одан аз тізгіндепті.
Мақала жарияланған сәтте көліктің бағасы 5 мың долларға жуықтап қалды.
Комментариев: 0