Жол талғамайтын Porsche 911 аукционда 443 мың долларға өтті

Америкадағы онлайн-аукциондардың бірі Porsche 911-дің елден ерекше нұсқасын ұсынды. Аризонада орналасқан Russell Built шеберханасы құрастырған прототип алғаш 2019 жылы SEMA тюнинг-шоуына қатысқан.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Машина 1991 жылғы Carrera 4 кабриолетіне негізделген. Мамандар автомобильді шанағына дейін бөлшектеп, салмағын азайту және артықтан арылту үшін тағы біраз жерін кескен. Шассидің қалған бөлігін түтік тәрізді каркасқа жалғапты. Бұл 911-модельді жаңа иінтіректері мен реттелетін тұрақтандырғышы бар аспамен жабдықтауға мүмкіндік берді. Суперкардың 16 дюймдік Rotiform Baja One дөңгелек дискілері Toyo Open Country A/T шинасымен (225/75) қапталған.

Ралли-рейдке арналған аспаның арқасында өлшемі ұлғайған көлік жаңа шанақ панельдерін қажет етті. Ателье оларды қатты композиттен жасады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Автомобильдің ішінде 6 нүктелі белдігі бар Sparco SPX карбон креслосы тұр. Салонын қаптағанда жасыл былғары мен алькантара қолданған. Стандарт аспаптардың орнын MoTec өнімдері басты, ал түпнұсқа педаль торабы Tilton-ның тежеу балансын реттеу мүмкіндігіне ие құрылғысына жол берген.

Машина Rothsport Racing мамандары жасаған 3.8 литрлік оппозит мотормен жүреді. Агрегаттың қуаты белгісіз, бірақ 250 ат күшінен асатыны анық. Әу баста прототип артқы жетекті болған, бірақ кейін 911 (996) Turbo агрегаты мен толық жетек жүйесін алыпты.

Russell Built құрастырған алғашқы Porsche 911 Baja-ның саудасы аяқталды, оның жаңа иесі 443 069 доллар (211.6 млн теңге) жұмсады.