АҚШ-тағы онлайн-аукциондардың біріне 41 жыл бұрын шыққан
Күміс түстес автомобиль 1985 жылы Массачусетс штатында жаңа күйінде сатылып, 2021 жылға дейін бір адамның қолында болыпты. Кейін бірнеше мәрте иесі ауысқан, арасында классикалық дизельді модельдерді жөндейтін Woods & Barclay Automotive шеберханасының иесі де бар. Осы сервистегі мамандар седанды толық жөндеп, детейлингтен өткізген.
300D 3 литрлік бес цилиндрлі дизельді мотормен жүреді. Агрегат 4 сатылы автомат қораппен жұмыс істейді, машина артқы жетекті. Жаңа кезінде қозғалтқыш 123 ат күші мен 249 Нм момент берген.
Бәссауда барысында бағасы 34 817 долларға (16.5 млн теңге) жетті. Лот сипаттамасында жаңа иесі машинаның құжаттарымен қатар, сервис тарихы және түпнұсқа дөңгелектің екінші жиынтығын алады деп жазылған. Бірақ 300D-ді жүргізу үшін жаңа шина орнату қажет. Өйткені қазір машинада тұрған және қосымша дискілердегі резеңке седанның өзімен құрдас.
Комментариев: 0