Ерекше Porsche 356 Abarth аукционға шықты

Classic Cars аукционында 1965 жылы жасалған Porsche 356 Borghi Abarth деп аталатын спорткар сатылады. Ол — Буэнос-Айрестегі Альдо Борги ательесінің өртеніп кеткен Porsche 356-ға негізделген жобасы.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Түпнұсқа Porsche 356 1953 жылы шыққан, 1960 жылдары апатқа ұшырап, өртеніп кетіпті. Автомобильді жөндеу мүмкін емес болатын. Бірақ Альдо Борги ательесі оны қалпына келтіруге бел буады.

Өрттен кейбір шанақ компоненті, қозғалтқышы және трансмиссиясы аман қалыпты. Альдо Борги мұның бәрін біріктіріп, «356-ның» мүлде жаңа сырт пішінін жасап шықты. Автомобиль қазір классикалық Porsche-ден гөрі винтажды Ferrari-ге ұқсайды.

Шеберлер шанақ панелін алюминийден жасады. Интерьерін де басынан бастап қайта жасап шықты.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Түпнұсқа Porsche 356-ның құрылымы сақталды — 1.6 литрлік төрт цилиндрлі мотор машинаның арт жағында орналасқан. Бірақ бұл қозғалтқышты әлдеқайда жаңа «356-дан» алған сияқты, өйткені 1950 жылдары Porsche мұндай көлемді мотор пайдаланбайтын. Агрегат 110 ат күшіне ие, 4 сатылы механикамен жұмыс істейді. Қуатты қозғалтқышы мен жеңіл шанағының арқасында спорткар түпнұсқа көліктен айтарлықтай жылдам жүреді.

356 Abarth 1972 жылға дейін жобаға тапсырыс берген адамға тиесілі болды, содан кейін Борги өзі сатып алып, оған жиырма жыл иелік етті. Арасында түрлі жарысқа қатысып тұрды. Автомобильдің қазіргі иесі бірнеше жыл бұрын толықтай қайта жөндеткен, содан бері экзотикалық купе бес шақырым ғана жол жүріпті. Мұндай ерекше әрі бірегей Porsche қаншаға өтетіні қазірше белгісіз.