Нұр-Сұлтан ПД баспасөз қызметі қайғылы оқиға бүгін түнде 00:34 шамасында болғанын хабарлады. 19 жастағы Toyota Camry жүргізушісі Есіл өзені арқылы көпірмен Сарайшық жаққа қарай тым жылдам қозғалып бара жатқан. Ол рөлге ие бола алмай, жолдың қарсы бетіне шығып кетеді де, 28 жастағы ер адам тізгіндеген Ravon Nexıa R3-ке бетпе-бет соғылады.
Екі жүргізуші мен үш жолаушы апат орнында жан тапсырды. Тағы бір ер адам ауыр жағдайда ауруханаға жеткізілді.
Полицейлер Қылмыстық кодекстің 345-бабы, 4-бөлігі бойынша іс қозғады. Мұндай апатқа кінәлі адам 10 жылға дейін түрмеге қамалып, 7 жылға көлік жүргізу құқығынан айырылады. Бірақ бұл жолы ешкім жазаға тартылмайды.
Өткен тәулікте астанада 91 ЖКО тіркелген. Тәртіп сақшыларының айтуынша, апатқа жайсыз ауа райы мен жүргізушілердің алаңғасарлығы себеп болды.
Комментариев: 0