4 ақпан күні Екатеринбург — Алматы тас жолының 1318-шақырымында, Бірсуат ауылына жақын жерде ірі апат болды. Алдын ала мәлімет бойынша 29 жастағы Toyota Camry жүргізушісі өзімен бір бағытта жүріп бара жатқан Volkswagen Polo-ға соғылған. Нәтижесінде трассада 11 автомобиль тұрып қалды. Жарақат алған екі тұрғынды дәрігерлер ауруханаға жеткізді.
Ескерту: видеода былапыт сөздер бар!
Дәл сол күні батыс өңірдегі Ақтөбе — Атырау — Астрахань тас жолының 873-шақырымында жүк таситын Volvo мен Mitsubishi Outlander бетпе-бет соғылды. Салдарынан кроссовер жанып кеткен. AtyrauPress хабарлағандай, ол машинада 59 жастағы ер адам мен 58-дегі жолаушы отырған, екеуі де оқиға орнында қаза тапты.
Бас прокуратураға қарасты Құқықтық статистика комитеті берген мәлімет бойынша ақпан келгелі Қазастанда оннан аса ірі көлік апаты тіркелген. Жиырма адам жарақат алса, үш кісі көз жұмды.
Комментариев: 0