Электрлі Ferrari алғашқы жүздікті 2.5 секундта еңсереді

Ferrari өз тарихындағы алғашқы электромобилі — Elettrica-ның негізгі сипаттамасын жариялады. Ол төрт электрлі қозғалтқыш пен жаңа батарея алады және 2.3 тонна салмағына қарамастан, алғашқы жүздікті 2.5 секундта алады. Elettrica-ның премьерасы бірнеше кезеңнен тұрады. Қазір компания техникалық сипаттамасын жарияласа, 2026 жылдың басында интерьер эскизін көрсетеді, толық тұсаукесері көктемде өтеді.

1 / 8

• 
• 
• 
• 
• 
• 
• 
• 

1 / 8

Ferrari Elettrica-ның алдыңғы екі қозғалтқышы 286 ат күшін береді, артқы екеуінің қуаты 843 ат күшіне жетеді. Алдыңғы оське 3500 Нм, артқыларына 8000 Нм тартым күші түседі, бірақ компания бұл нәтижеге қалай жеткенін айтпады. Алдыңғы жетекті жүйені кез келген жылдамдықта қолмен не автоматты түрде өшіруге болады. Ең жоғары жылдамдығы — 310 км/сағ. Моторлары өте ықшам, салмағы небәрі 65 кг, артқылары — 129 кг.

1 / 4

• 
• 
• 
• 

1 / 4

Компания өз күшімен әзірлеген 122 кВт·сағ аккумулятордың энергия сақтау тығыздығы (195 Вт·сағ/кг) жоғары және 350 кВт ток қабылдай алады. Жүріс қоры 530 шақырымға жетеді. Батарея элементтері шанақ құрылымына кіріккендіктен, әлдеқайда қатты. Едендегі аккумулятордың арқасында ауырлық ортасы бензинді суперкармен салыстырғанда 80 мм түскен.

1 / 7

• 
• 
• 
• 
• 
• 
• 

1 / 7

Ferrari жаңа өнімнің архитектурасын дәстүрлі орта моторлы модельдерімен бірдей қылуға тырысқан. Мамандар жүргізуші орындығын алдыңғы оське жақындатты, бірақ Elettrica-ның салоны екі қатарлы. Дөңгелек базасы — 2960 мм. Фирмалық белсенді аспасы (әр амортизаторы 2 келі жеңіл) жақсарған. Жүріс электроникасының үш режимі мен күштік құрылымның бес қуат режимі бар. Elettrica қозғалтқыш дауысын шығаратын арнайы дыбыстық жүйемен жабдықталады. Инженерлер электрокарға арнап үш жазғы, бір қысқы және run-flat сияқты бес түрлі шина жинағын әзірледі.