Электрлі AUDI E7X Қытайда19.4 млн теңге тұрады

Қытайдағы клиенттерінен айырылғысы келмеген неміс бренді SAIC концернімен бірігіп, AUDI маркасын құрған. Оның алғашқы өнімі E5 Sportback-ті былтыр таныстырды, енді аспан асты еліндегі автосалондар E7X кроссоверін алды.

Ұзындығы бес метрден сәл асатын электрлі көліктің бағасы 269 800 юаньнан (19.4 млн теңге) басталады. Компания бұл ақшаға артқы осьте тұратын 408 а.к. мотор және 100 кВт NMC-батарея көмегімен қозғалатын машина ұсынады. CLTC циклі бойынша жүріс қоры 705 шақырымға жетеді. Ал екі моторы мен 109 кВт батареясы бар толық жетекті нұсқаның жалпы қуаты 680 ат күшіне тең. Құны — 359 800 юань (25.9 млн теңге).

Интерьерінің стилі мен архитектурасы E5 Sportback-ті еске салады. Алдыңғы панелінің енін бойлай ішінде бірнеше экраны бар ірі планшет орналасқан, шетіне тағы екі экран қоюы мүмкін, олар артқы көрініс камерасы түсірген суретті көрсетеді. Опциялар тізіміне жылыту, желдету және массаж функциясына ие креслолар, жайлы артқы орындықтар, төбедегі 21.4 дюймдік экран, тоңазытқыш, 26 динамикті Bose аудиожүйесі, екі сымсыз қуаттағыш және Momenta жасаған көмекшілер кешені кіреді.