30 мамырда Астана — Павлодар трассасында цементбетонның бүлінуіне ықпал ететін екі ақау шықты. 1 маусымда 13:30 шамасында Павлодардан Астанаға баратын жолдың 1356-шақырымында тақталар көтеріліп кеткен.
«Алдын ала мәлімет бойынша ақауға ауа температурасының күрт көтерілуі (+35…+37 °C-қа дейін) себеп. Бетон тақта температура әсерінен ісінгенде төсемнің ішінде қысым пайда болады, салдарынан бұзылады», — деп хабарлады «ҚазАвтоЖол» ҰК.
Жұмысшылар уақытша жол белгілерін орнатты. «ҚАЖсервис» ЖШС Павлодар облыстық филиалының № 61 жол пайдалану басқармасының қызметкерлері жолды жөндеуге кірісті. Қазір жұмысшылар төсемнің зақымданған бөлігін бұзып, қалпына келтіріп жатыр.
Осындай жағдай аталған тас жолда былтыр да тіркелді.
Бұған дейін бетон жабындар көбіне Қазақстанның оңтүстігінде көтерілетін, өйткені ол жақта күн әлдеқайда ыстық. Сараптама нәтижесінде жолшылардың тақталар арасындағы жікті уақытылы бекітпегені анықталды. Олар солтүстік облыстарда жікті дұрыс тазаламаған болса керек және былтырғы оқиға сабақ болмаған сияқты.
Комментариев: 0