Әл-Фарабидегі апатқа кінәлі азамат жазадан құтыла ма?

Алматыдағы Әл-Фараби даңғылында үш адамның өмірін қиған ауыр апатқа себеп болған Александр Пактың соты болып жатыр. Жүргізушіге мас күйде жалған нөмір таққан машинамен 219 км/сағ жылдамдықпен жүрді, жолдың қарсы бетіне өтіп кетіп, апат жасады деген айып тағылды.

Жуырда сот отырысында күдікті өзі кінәсін мойындады. БАҚ өкілдері хабарлағандай, ол денсаулығына байланысты сотта онлайн жауап берген. Зардап шеккен тарап та видео арқылы қатысты.

Қайтыс болған екі кісінің туыстары Александр Пакты кешірдік, себебі ол шығынды толық өтеді, оған еш айып тақпаймыз деп мәлімдеп, судьядан оны түрмеге жаппауды сұрады. Өмірден өткен тағы бір қыздың анасы процеске мүлде қатыспады.

Адвокат Джохар Өтебеков әлеуметтік желіде сот барысына қатысты болжам жасады.

«Әл-Фарабидегі апатқа қатысты пікір білдірсем:

1. Адам өлген жағдайда екі тараптың татуласуы мүмкін емес.
2. Заң шартты түрде жаза кесуге тыйым салмайды. Бірақ іс жүзінде сотта ол қолданылмайды.
3. Сөз жүзінде санкция 7-10 жылға созылады. Кінәлі тұлға шығынды өтесе және жазаны ауырлататын мән-жайлар болмаса, сот 5 жыл жаза кесуі ықтимал.
4. Кінәлі деп танылған азамат қоныс колониясында отырады. Онда тәртіп басқасынан әлдеқайда жұмсақ.
5. Тергеу изоляторындағы бір күн қоныс колониясындағы екі күнге тең.
6. Өтелмеген жазаны анағұрлым жұмсақ түріне ауыстырса, ол белгіленген мерзімнің 4-тен 1-ін (1 жыл 3 ай) темір торда өткізеді», — деп жазды заңгер.