Қазір Қазақстанда жалпы ұзындығы 4883 шақырымға жететін 26 ақылы автожол бар. «ҚазАвтоЖол» ҰК» АҚ мәліметінше жыл басынан бері осы жолдардағы сапар саны 28 миллионнан асқан.
Жүргізушілер көп қозғалатын бағыт — Алматы мен Қонаев арасындағы жол. Жыл басынан бері мұнда сапар саны 4.3 млн болған. Жолаушылар көп жүретін трассалардың үздік үштігіне Шымкент — Өзбекстан шекарасы және Шымкент — Тараз жолы кірді. Бұлармен тұрғындар тиісінше 3.7 млн және 2.5 млн мәрте жүріп өткен.
Ақылы жолдардың сапар саны бойынша рейтингі:
- Алматы — Қонаев — 4.3 млн
- Шымкент — Өзбекстан шекарасы — 3.7 млн
- Шымкент — Тараз — 2.5 млн
- Тараз — Қайнар — 2.1 млн
- Шымкент — Қызылорда — 1.8 млн
- Қонаев — Талдықорған — 1.4 млн
- Астана — Теміртау — 1.4 млн
- Астана — Щучинск — 1.3 млн
- «Тараз айналма жолы» — 1.03 млн
- Алматы — Қорғас — 1.005 млн
- Қостанай — Денисовка — 968 мың
- Астана — Павлодар — 872 мың
- Щучинск — Көкшетау — 818 мың
- Көкшетау — Петропавл — 676 мың
- Қызылорда — Арал — 667 мың
- Балқаш — Бурылбайтал — 620 мың
- Ақтөбе — Ресей шекарасы (Орынбор бағыты) — 532 мың
- Павлодар — Семей — Қалбатау — 426 мың
- Шу — Бурылбайтал — 354 мың
- Қостанай — Ресей шекарасы (Троицк бағыты) — 343 мың
- Қандыағаш — Мақат — 323 мың
- Павлодар — Ресей шекарасы (Омбы бағыты) — 319 мың
- Орал — Ресей шекарасы (Самара бағыты) — 255 мың
- Орал — Ресей шекарасы (Саратов бағыты) — 213 мың
- Үшарал — Достық — 133 мың
- Бейнеу — Ақжігіт (Өзбекстан шекарасы) — 59 мың.
Елде ақылы жолмен жүру ережесін сақтамайтындар бар. Биыл мамандар төлем жасаудан жалтарғандарға қатысты 1.9 мыңнан аса фактіні анықтапты. Кей жүргізуші автомобильдің мемлекеттік нөмірін шешіп тастаса, енді біреулері жалған нөмір пайдаланған.