Энергетика министрлігінің тиісті бұйрығы биылғы тамызда қоғам талқысына салынған еді, Құжат қазанның 21-і күні тіркеліп, 22-сі жарияланды және он күнтізбелік күннен кейін, яғни 2019 жылдың 2 қарашасында күшіне енуі тиіс.
Бұйрыққа сай, техникалық шарттарға сәйкес орнатылған автокөлік құралдарының бензин багы мен 20 литрден аспайтын жеке ыдыстарда (канистраларда) әкету жағдайларын қоспағанда, ел өз аумағынан автокөлік құралымен бензиннің барлық түрлерінің, авиакеросиннің және дизельдің шығарылуына тыйым салады. Бұйрықтың орындалуын шекарашылар мен полицейлер қадағалайды.
Бұрын энергетика министрі Қанат Бозымбаев Қазақстанның шеткері аймақтарындағы жанармайдың Ресейге кетіп жатқанын айтқан болатын. Оның айтуынша, бұл үшін кейбір жүк көліктері тіпті 3-4 тонналық қосымша бактармен жабдықталады екен.
Қазіргі уақытта Қазақстанда бензин акцизін екі жарым есеге көтеру туралы қаулы әзірленуде. Оның нәтижесінде отын литріне 10 теңгеге қымбаттайды. Бұл құжат 2020 жылдың 1 қаңтарынан бастап күшіне енуі мүмкін.
Комментариев: 0