Елдегі минивэндер топтамасына жаңа өнім қосылады

Қазақстанда жолаушы таситын ресми минивэн нарығында онға жуық модель бар. Жақында бұл қатарға JAC маркасының жаңа көлігі қосылады. Автомобильдің тұсаукесері былтыр жазда өткен, бірақ сертификат алу процесі жуырда аяқталды. JAC Refine RF8-дің құжаты 9 ақпанда пайда болды.

1 / 9

• 
• 
• 
• 
• 
• 
• 
• 
• 

1 / 9

Жеті орынды минивэннің ұзындығы 5.2 метрден асады, дөңгелек базасы — 3.1 метр. Қазақстанда 237 ат күшін (390 Нм) беретін 2 литрлік турбомотормен жабдықталған алдыңғы жетекті машина сертификат алды. Біздегі түрленім Қытайға арналған нұсқадан әлсіз. Бензинді қозғалтқыш 252 ат күшіне ие (400 Нм) агрегатпен және 8 сатылы автоматпен жұптаса жұмыс істейді. Аспан асты елінде Refine RF8-дің гибриді де саудаланады, бірақ JAC өкілдері былтыр жазда мұндай көлікті Қазақстанға әзірге әкелмейтінін айтты.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Салонында алдыңғы панельдегі шағын екі дисплей, бір сымсыз қуаттағыш, ортаңғы консоль және климаттық жүйені басқаратын батырмалы пульт бірден көзге түседі. Екінші қатардағы орындықтар бөлек орналасқан.

Жабдықтар тізіміне климат-бақылау, люк, шина қысымын бақылайтын сезгек кіреді. Машина автоматты тежеу жүйесі, көрінбейтін аймақты бақылау, жол белгілерін тану сияқты функциялары бар жүргізуші ассистенттерінің кешенін алады.

Нақты комплектациясы мен бағасы саудаға шығар алдында белгілі болады. Автомобиль бірнеше айда салондарға жетеді.