Билік камераның ауытқу шегін мемлекет реттейтін өлшемдер тізіміне енгізді. Норма 2026 жылғы 8 мамырда күшіне енеді, мұндағы өзгеріс жабдықтың техникалық параметріне ғана қатысты. Бірақ осы жаңалық шыққан соң әлеуметтік желіде енді жүргізуші жылдамдықты бірнеше км/сағ асырғаны үшін айыппұл арқалайды деген ақпарат тарады. Кей автор тіпті қалалардағы ең жоғары рұқсат етілген жылдамдық 66 км/сағ болады деп тұжырым жасаған. Бұл шындыққа сәйкес келмейді.
Қайталап айта кетейік, күшіне енетін өзгеріс өлшегіш құралдардың техникалық сипаттамасына ғана қатысты. Басқа ештеңе өзгермейді.
Әкімшілік кодекстің 592-бабындағы жылдамдық шегін асырғаны үшін берілетін жаза өзгерген жоқ. Бұрынғыдай «көлік құралының жылдамдығын белгіленген шектен 10–20 км/сағ асырған» жүргізуші 5 АЕК айыппұл төлейді.
Елді мекендерде жеңіл автомобиль бұрынғыдай 60 км/сағ жылдамдықпен жүруі қажет, ал камера машина жылдамдығы 70 км/сағ-тан асқан соң ғана тіркейді. Мұны ҚР ІІМ Әкімшілік полиция комитеті растады.
Комментариев: 0