ҚР ІІМ мен Сауда министрлігінің мемлекеттік реттеуге қатысты өлшемдер тізіміне өзгеріс енгізу туралы бұйрығы 27 сәуірде жарияланды, құжат 2026 жылғы 8 мамырда күшіне енеді.
Сол күннен бастап құзырлы орган мына параметрлерді заңдастырады:
- Мобильді немесе стационар жылдамдық өлшеуішпен қозғалыс жылдамдығын өлшеу:
— диапазон — 20–250 км/сағ;
— рұқсат етілген қателік шегі немесе дәлдік класы — ± 2 км/сағ. - Стационар жылдамдық өлшеуішпен көліктің орташа жылдамдығын өлшеу:
— рұқсат етілген қателік шегі немесе дәлдік класы — ± 2 км/сағ. - Тоқтау немесе аялдау ережесін бұзған, бағдаршамның тыйым салатын сигналына өткен, жол белгісі талабын сақтамаған, жаяу жүргіншіге жол бермеген, маневр жасау ережесін бұзған жүргізушілерді тіркеген кезде стационар аппарат-бағдарламалық кешеннің машинаның мемлекеттік нөмірін тану шегі:
— диапазон — 10–100 м;
— рұқсат етілген қателік шегі — ± 1 м. - Ереже бұзылған орынды тіркеген кезде камера координатын өлшеу. Бұл барлық ереже бұзу әрекеті мен бүкіл кешенге қатысты.
— рұқсат етілген қателік шегі — ± 10 м. - Жол таңбасы талабын сақтамау фактісін тіркеген кезде стационар кешендер арқылы автомобиль габариті мен жол таңбасы арасындағы қашықтықты өлшеу:
— диапазон — 0–5 м;
— қателік — ± 0,5 м. - Ереже бұзу фактісінің уақытын тіркеу:
— рұқсат етілген қателік шегі — ± 2 с. - Мобильді кешендер арқылы көлік құралының тоқтау немесе аялдау ережесін бұзғанын не жол белгісі талабын сақтамағанын тіркеген кезде мемлекеттік нөмірді тану қашықтығы:
— рұқсат етілген қателік шегі — ± 1 %.
Құжатта автомобильдің техникалық жағдайын тексерген кезде қолданылатын құрылғының рұқсат етілген ауытқу шегі белгіленген:
- Рөлмен басқарудың жалпы люфтін өлшеу: диапазон — 0°—30°, рұқсат етілген қателік — ± 1°.
- Алдыңғы әйнек пен алдыңғы бүйірлік әйнектің жарық өткізуін өлшеу: диапазон — 0–70 %, қателік — ± 2 %.
- Шина протекторының биіктігін өлшеу: диапазон — 0–150 мм, қателік — ± 0.01 мм.
- Пайдаланылған газдағы компоненттің концентрациясын өлшеу:
| Өлшеу диапазоны | Рұқсат етілген қателік |
| – CO 0–5 % | абсолют ± 0.03 %, салыстырмалы ± 5 % |
| – CO₂ 0–16 % | абсолют ± 0.5 %, салыстырмалы ± 5 % |
| – O₂ 0–21 % | абсолют ± 0.1 %, салыстырмалы ± 5 % |
| – СН 0 млн-1–2000 % млн-1 | абсолют ± 10 млн⁻¹, салыстырмалы ± 5 % |
Қазір рұқсат етілген қате құрылғының техникалық сипаттамасында ғана көрсетіледі әрі сотта әкімшілік істі қараған кезде анық түсіндірме берілмейді. 8 мамырдан бастап нормадан асқан барлық ауытқу заңсыз болады.
Комментариев: 0