Ұлыбританияда заңнамаға өзгеріс енді, енді полиция ескертумен шектелмей, машинасын оқиға орнында алып қоя алады.
Жаңа ереже жолға ғана емес, трассадан тыс аумақтарға да қатысты. Билік әсіресе жол талғамайтын көлікпен топ болып табиғат аясына шығатындарға баса назар аударып отыр. Солтүстік Уэльс билігі жолсыз жерлерде рұқсатсыз жүру және көлікті «қоғамға жат» мақсатта пайдалану қорғалатын табиғи аумақтарға ауыр зиян келтіреді деп ойлайды.
Мысалы, былтыр жеті жол талғамайтын көліктен тұратын топ Ливерпульден арнайы ғылыми маңызы бар нысан мәртебесіне ие Уэльстің Бервин аймағына бет алған. Олар жеке көліктің кіруіне тыйым салатын белгіні елемей, қақпаның құлпын бұзып, қорғалатын аумақ арқылы
Тәртіп бұзған азаматтар әлеуметтік желіде жарияланған видеоның арқасында анықталды. Билік олардың үшеуіне 2 мың фунт стерлинг айыппұл салып, екі айға көлік жүргізу құқығынан айырды. Ал сапарды ұйымдастырған адам қорғалатын табиғи аумақтарға үш жыл бойы кіре алмайды.
Полиция Бервинде болған осы оқиғаға қарамастан, жол талғамайтын көлікпен табиғат аясына шығатындар әлі азаймай тұрғанын хабарлады. Оның үстіне кейінгі кезде бұл қатарға электрлі мотоцикл мінген жастар қосылған. Полицейлер қомақты айыппұл мен көлігінен айырылу қаупі ережені елемейтін азаматтарды белгілі деңгейде тәртіпке салады деп үміттенеді.
Комментариев: 0