2022 жылдан бастап ЕЭО аумағына кіргізілетін электромобильдерге баж салығы енгізіледі. Қазір экологиялық көлік үшін ешқандай алым алынбайды, бірақ келесі жылдан бастап 15 % салық төлеуге тура келеді.
Бұл шешімді Еуропа бизнес қауымдастығы (AEB) сынға алды. Ұйым өкілдері салық салу мерзімін 2024 жылға шегеруді сұрап отыр. Өйткені салықтан босату — электромобильді дамытудың басты амалы.
Ресейдегі Nissan өкілдігі де бұған наразылық білдірді. Компания Ресейге Ariya электрлі кроссоверін кіргізуді жоспарлаған. Қосымша шығындар жұмысты қиындатып жіберуі мүмкін.
Қазақстан үшін электромобиль салығының өсуі аса қорқынышты емес. Экологиялық таза көлік әкелгісі келетіндер оны кедендік құнның 1 %-ына тең келетін ДСҰ тарифіне сай алып тастай алады. Бірақ мұндай машинаны елден шығарып сату қиын болады.
Комментариев: 0