Армения, Беларусь, Қазақстан және Қырғызстанға шекті мөлшерде кіретін электрокарларды кедендік алымнан босату шешімін Еуразиялық экономикалық комиссия кеңесі 2022 жылы мақұлдаған. Бұл жеңілдік 2026 жылдың 1 қаңтарында аяқталады. Осыған орай келер жылы елге келетін электрокар кеденде қалай рәсімделеді деген сұрақ туындайды.
ҚР Сауда министрлігі Kolesa.kz редакциясына ЕЭК Кеңесі шешімімен берілген жеңілдік аяқталуға жақын қалғанын растады. Сондай-ақ Қазақстанның өз құжаты — Жеңілдік тізімі* бар, ол елге кірген машина үшін сұралатын кедендік алым мөлшерін белгілейді.
Құжатқа сәйкес Қазақстан тұрғындары елге электромобиль жеткізгенде кедендік ресімдеу алымын төлемеуге құқылы. Мұндай машинаны Еуразиялық экономикалық одаққа мүше мемлекеттерде жүргізуге болады, бірақ өзге елде сатуға немесе иеліктен шығаруға болмайды.
Демек 2026 жылы да электрокар импорттаушылар үшін ештеңе өзгермейді. Электромобильді бұрынғыдай ақысыз рәсімдей алады, бірақ ЕЭО елдеріне экспорттауға болмайды.
Қазір Қазақстанда электрлі автомобиль (гибридті қоспағанда) көлік салығы мен утиль алымынан босатылған. Ал жүрген электромобильді алғаш тіркеу құны дәстүрлі моторы бар машинадан екі есе төмен.
* – Қазақстан ДСҰ-ға кіру шарты ретінде қабылдаған міндеттемеге сәйкес ЕЭО Бірыңғай кедендік тарифінің мөлшерінен төмен кедендік алым қолданылатын тауарлар тізімі. Қарапайым тілмен айтқанда, ЕЭК Кеңесі бекіткен жеңілдіктер тізбесі.
Комментариев: 0