Бұл апта дрифтке жаны құмар жандар үшін сәтті болды деп айту қиын. Санкт-Петербург қаласында BMW M5 жүргізушісінің қызыққа берілгені сонша, жоғары жылдамдықта жақындап келе жатқан Ferrari California-ны байқамай қалған.
Қатты соққыдан Ferrari-дің тұмсығы бұзылды, ал BMW-ның дөңгелегі жұлынып, бір бүйірі жаншылып қалды. Абырой болғанда, адамдар аман.
АҚШ-та да осыған ұқсас жағдай болды. Көп қабатты тұрақтың төбесіне шығып алған соңғы буындағы Ford Mustang тізгініндегі азамат рөлге ие бола алмай, бағанаға соғылды. Өкінішке орай, қуаты тасыған жүргізушілердің арынын басуға полиция мен қоғамның күші жетер емес, әзірше оларға тек бағаналар мен ағаштар кедергі келтіруде.
Комментариев: 0