Билік дизельдің дифференциал бағасын белгілеп, отынның шетелге кетуіне тосқауыл қоюды және жанармай тапшылығының алдын алуды көздеген. Бірақ бұл шара жаңа мәселеге себеп болды. Жергілікті жүргізушілер дизельді 230–260 теңгеден ала алмай жүргенін айтып шағымданды, жанармай құю бекеттері отынды оларға емес, 450 теңгеден шетел азаматтарына сатқысы келеді. Егер отынды төмен бағада алғысы келсе, талонмен ғана береді немесе қолма-қол ақшаға шектеулі мөлшерде сатады, ал 450 теңге төлегендер кез келген төлем тәсілін қолданып, қалағанынша құя алады.
Үкімет басшысы Әлихан Смайылов мұндай әрекетке барған жанармай бекетін жазалауға уәде берді. Энергетика министрі Болат Ақшолақовтың айтуынша мекеме тұтынушы дерегін тіркейтін арнайы жүйені дайындап жатыр. Шенділер қазірше мына нөмірлер арқылы арнайы сенім телефонына хабарлауды ұсынды:
- +7 (7172) 78-69-55 — қалалық нөмір;
- +7 (708) 812-02-31 — ұялы байланыс нөмірі.
Сондай-ақ соңғы нөмірге Telegram және WhatsApp мессенджері арқылы шағымдануға болады. Дүйсенбі мен жұма аралығында сағат 9:00-ден 18:30-ға дейін өтініш қабылданады.
Ірі жанармай құю желілерінің call-орталығына да хабарласуға болады:
- Qazaq Oil мен «ҚазМұнайГаз» — 9911;
- Sinooil — 8-800-070-01-80;
- Helios — 8-800-080-5444;
- «Газпромнефть» — 8-800-080-10-08.
Комментариев: 0