Үкімет басшысының тапсырмасымен құрылған арнайы комиссия дизель отынына қатысты мәселені шешу мақсатында жұмыс істеп жатыр.
Премьер-министрдің ресми сайты хабарлағандай, комиссия дизель тапшылығына әсер еткен бірнеше факторды анықтады. Атап айтқанда, бұған транзиттік көліктің көптігі, отынның көршілес елдерге тасымалдануы және жанармай жеткізудегі қиындық пен мұнай базаларының дизельді бөлшек бағасынан қымбат сатуы себеп болған. Осыған орай өңірлерде сату көлемі төмендеді, өйткені жанармай құятын бекеттер отынды мұндай бағаға сатып алмайды.
Комиссия осыған байланысты бірқатар шенеунік пен «ҚазМұнайГаз» ҰК" АҚ қызметкерін жазалады. Компанияның басқарма төрағасы Мырзағалиев пен энергетика вице-министрі Мағауовқа қатаң сөгіс жарияланды. Энергетика министрлігі мен ҚМГ-ның бірқатар жауапты қызметкері жұмыстан кетті.
Сонымен қатар комиссия жағдайды оңдауға бағытталған тиісті шаралар тізімін жариялады. Сall-орталық құру, қосымша дизель жеткізу, Шымкент мұнай өңдеу зауытының өндіріс көлемін арттыру және зауыт жұмысының жаңа схемасына көшу жоспарланып отыр.
Шенділердің айтуынша бұл мәселе қыркүйекте шешіледі.
Комментариев: 0