Автосалондардың жаңа машинаға шектен тыс үстеме баға қосуы мемлекеттік мәселеге айналды. Қоғам наразылығын ескеріп, РФ Индустрия және сауда министрлігі дилерлердің ең жоғары үстеме ақысын сұраныс деңгейіне қарамастан 10 %-ға дейін шектеуді ұсынды. ТАСС агенттігіне министрліктегі дереккөз хабарлағандай, бұл мәселе қазір «Ресейдің автокөлік дилерлері ассоциациясы» және автоөндірушілер одағымен бірге талқыланып жатыр.
Алайда көп ұзамай үкімет бұл бастамадан бас тартты. Сейсенбі күні ТАСС-та РФ Индустрия және сауда министрлігінің басшысы Денис Мантуровтың мәлімдемесі жарияланды, онда дилерлерге көлік бағасына қатысты шектеу енгізу орынсыз екені айтылған. Сондай-ақ ол жаңа машина сатушылар мен сатып алушыларға өзіне ыңғайлы нұсқаны іздеуге және өзара келісуге кеңес берді.
Жалпыға түсінікті етіп айтсақ, нарықтағы сұраныс пен ұсыныс теңеспейінше, дилерлер машинамен бірге опция қосып сатуды жалғастыра береді.
Комментариев: 0