Сұраныс бар жерде ұсыныс болатыны белгілі. Чип жетіспей, әбден тығырыққа тірелген кішігірім өндірушілер де, алып кәсіпорындар да компонентті қара базардан алуға мәжбүр болып отырғанын China Times хабарлады.
Басылымға ақпарат берген адамдар тұрақтандыру жүйесіне арналған Bosch ESP чиптерінің бағасы 4000 юаньға (шамамен 600 доллар) дейін баратынын айтқан, ал ресми баға бойынша оның құны 13 юаньнан аспауға тиіс. Бөлшек үшін тым көп ақша сұралса да, оны алатындар аз емес. Сатушылар тек қолма-қол есептеседі. Сатып алған соң чип Bosch-қа жеткізіледі, онда авторланған бағдарлама орнатылып, ESP блоктары тапсырыс берушіге қайта жолданады.
Компонентті кім сатып жатқаны да анықталды. Швейцариялық STMicroelectronics компаниясының Малайзиядағы фабрикасы Bosch-қа микросхема жеткізумен айналысады. Ресми түрде ол карантиндік шектеуге байланысты жабық не жартылай жұмыс істеп тұр. Бірақ жағдайды пайдаланып, қалтасын қалыңдатуды ойлаған пысықтар мұнда да бар екен.
Комментариев: 0