25 қазанда ресейлік журналистер АВТОВАЗ қосымша дүниелерді көлік бағасына қосып, қымбат сатып жатқанын хабарлады. Олар машинаның моделіне байланысты оның негізгі бағасына 8-30 мың рубль қосылады деп болжаған.
Сатушылар стандарт комплектацияны кілемше, дефлектор, капот амортизаторы, бампер қаптамасы, радиаторды жабатын тор сынды дүниелермен толықтыруға тырысады.
Бұл бастама Ресейдің монополияға қарсы қызметінің назарын аударды. Мекеме сайтында АВТОВАЗ-ға тексеріс жүргізу жоспарланғаны туралы хабар жарияланды.
Қазір салоннан су жаңа көлік алғанда қоса берілетін жабдықтар Қазақстан тұрғындарының да ашуын келтіріп отыр, себебі дилер оларды тым қымбат саудалайды. Ал ресми дистрибьютор белгілеген бағаға көлік табу мүмкін емес.
Комментариев: 0