Кезінде полиция офицері Годфри Куэйлс тізгіндеген 1970 жылғы Dodge Hemi Challenger R/T SE аукционда сатылды. 10 % аукцион шығындарын қосқанда Флоридадан шыққан коллекционер Райан Снайдер машина үшін 1 072 500 доллар санап берді.
Спорткарды Годфри 1969 жылы 5272 долларға заңсыз көше жарыстарына жасырын қатысу үшін алыпты. Арнайы тапсырыс бойынша 4 сатылы механикалық қораптың иінтірегіне тапанша сабына ұқсайтын тұтқа орнатқан, көлік 425 ат күшіне ие 7 литрлік Hemi V8-бен жүреді. Ол 1969 жылы осы конфигурацияда жасалған 23 машинаның бірі. Шатыры аллигатор терісіне ұқсас винил жабынмен қапталған жалғыз нұсқа екенін де айта кеткен жөн.
Бұл Dodge Hemi Challenger R/T сол жылдары шыққан «челленджерлер» арасындағы ең қымбат сатылған модель бола алмаған сияқты. Hemi қозғалтқышымен жүретін Challenger R/T кабриолеттері жоғары сұранысқа ие. Әлем бойынша тоғыз ғана данасы бар суперкарды табу қиын. Соның бірін 2018 жылы жаңа иесі 1 430 000 долларға сатып алған еді. Ал қазір бұл машина одан қымбат тұрады.
Комментариев: 0