16 шілдеде Қапшағай жағалауындағы ASP Club аумағында Central Asia Drift Show (CADS) чемпионатының үшінші кезеңі басталады. Алғашқы күннің бағдарламасы спортшыларға арналған. 11:00-ден 21:00-ге дейін жаттығу өтеді. Көрермендер шабандоздарды тамашалай алады.
17 шілдеде 10:30-да тағы бір жаттығу болады. Ұйымдастырушылар 16:00-де іріктеу кезеңін өткізеді.
Негізгі жарыс күні — 18 шілде, сенбі. 15:00-ден 16:00-ге дейін өтетін спортшылар шеруі кезінде көрермендер дрифтшілерден қолтаңба ала алады. Оған дейін топ-32 кезеңі өтеді. Қатысушылар 11:00-де трассаға шығады. Ал 16:30-да топ-16 бәйгесі басталады. Барлық жұптық сайыстар 21:00-ге дейін аяқталады. Жеңімпаздарды марапаттау рәсімінен кейін көрермендер «Леприконсы» тобының концертін тамашалап, Qamysh рестобарындағы афтерпатиге бара алады.
CADS-тың үшінші кезеңіне қатысатын спортшылардың толық тізімі әзірге белгісіз, бірақ жарысқа Ирландияның төрт дүркін чемпионы, Ұлыбританияның үш дүркін чемпионы әрі Drift Masters жүлдегері Дуэйн Маккивердің қатысатыны белгілі. Николас Бертанс, Масато Кавабата және Тэцуя Хибино да жарыс жолына шығуы мүмкін.
Төрешілер қатарында Антон Козлов, Ануар Фатхи және Степан Земцев бар.
Билетті Freedom Ticketon сайты мен мобильді қосымшасы арқылы сатып алуға болады. Ересектерге арналған бір күндік билет бағасы 3000 теңгеден, ал үш күнге арналған билет 12 500 теңгеден басталады.
Комментариев: 0