Демалыстағы жарыстар: Sokol SBK Cup пен Enduro Nomad

Алдағы демалыста, атап айтқанда 20 қыркүйекте Алматы — Астана тасжолының 76-шақырымындағы Sokol кешенінде 2026 жылғы Sokol SBK Cup маусымының қорытынды кезеңі өтеді. Іс-шара екі жарыстан тұрады. Ұйымдастырушылар бұл жолы Open 400, Supersport және Superbike сияқты бірнеше мотоцикл класын біріктіреді. Пилоттар шағын картодромда емес, ұзындығы 4.5 шақырым болатын негізгі айналма жолда бақ сынайды.

View this post on Instagram

A post shared by Superbike Club (@sbkclubkz)

Жарысшылар 9:00-де әкімшілік тексерістен өтеді. Көрермендер 13:00-де кіреді. Дәл осы уақытта квалификация басталады. Содан кейін екі жарыстың алғашқысы әрі қысқасы — алты айналымнан тұратын спринт өтеді.

Кіру ақылы, билет құны — 5000 теңге.

SBK Experience, 20 қыркүйек

Sokol SBK Cup-тың төртінші кезеңімен бір уақытта SBK Experience өтеді. Негізгі жарыс сессиялары мен квалификация арасында қарапайым мотоциклшілер де «Соколдың» үлкен айналма жолына шығады.

Ұйымдастырушылар топ болып жүруге болатын қысқа сессиялар өткізбекші. Қатысушылар нұсқаушылардың артынан бір-бірін басып озбай, өзара жарыспай қауіпсіз жылдамдықпен жүріп отырады. Іс-шараның мақсаты — жарыс трассасымен танысуға, жылдамдықты сезінуге және тректе мотоцикл тізгіндеудің ерекшелігін түсінуге мүмкіндік беру.

Трассаға шығу үшін техникалық жағдайы жақсы қарапайым мотоцикл және қалаға арналған мотоэкипировка болса жеткілікті:

• визоры бүтін шлем;
• қорғағыш элементтері бар мотокүртеше;
• қорғағыш элементтері бар мотоджинса немесе мотошалбар;
• мотоқолғап;
• мотоетік.

SBK Experience құны — 17 000 теңге. Бұл сомаға Sokol SBK Cup жарысына кіру билеті де кіреді. Тіркелу және толық шарттар туралы ақпаратты сілтеме арқылы көре аласыз. Орын саны шектеулі.

Enduro Nomad фестивалі, 19–20 қыркүйек

Алдағы сенбі және жексенбіде Іле өзенінің жағасындағы «Көшпенділер қаласында» эндуро жарысының жас Enduro Nomad сериясы аясында шабандоздар мен эндуро жанкүйерлері бас қосады.

View this post on Instagram

A post shared by Enduro Nomad (@enduro.nomad)

Ұйымдастырушылар деңгейге қарай бөлінген екі трасса дайындады: Hard және Light. Қатысушылар күштік құрылым түріне қарай (іштен жанатын қозғалтқыш немесе электромотор) да бөлінеді. 19 қыркүйекте «Тау патшасы» («Царь Горы») жарысы өтеді, спортшылар барынша тік әрі күрделі өрге көтерілуге тырысады. Мопед жүргізушілеріне арналған жеке жарыс та болады, бірақ оның форматы әзірге белгісіз.

Көрермендерді эндуро жарыстарынан бөлек, әуе шарымен ұшу, жүретін монша, тир, балаларға арналған батут паркі және басқа ойын-сауық күтеді.

20 қыркүйектегі шара 10:00-де басталады. Көрермендер тегін кіреді.

MotorFestKZ, 19–20 қыркүйек

19 және 20 қыркүйекте Алматы тұрғындары мен қала қонақтары MotorFestKz фестиваліне қатыса алады. Мұнда еліміздегі ғана емес, шетелден де келген екі жүзге жуық сирек әрі ерекше көлік жиналады.

View this post on Instagram

A post shared by Motorfest Kz (@motorfestkz)

Бұл жолы фестиваль Орталық мәдениет және демалыс саябағындағы Мұхтар Әуезов атындағы стадионда өтеді.

MotorFest-ке кіру ақылы. Ересектерге арналған билет — 8000 теңге, балалар (7-14 жас) билеті 4000 теңге тұрады. Билетті көрме өтетін күні кассада немесе сілтеме арқылы онлайн сатып алуға болады. Билет бір күнге ғана жарамды.

Іс-шара 19 қыркүйек 12:00-де, 20 қыркүйек 11:00-де басталады.