Демалыста өтетін жарыстар: дрифт және драг

Алдағы демалыста автоспорт жанкүйерлерін бірнеше қызық шара күтіп тұр. Олардың қатарында Red Bull ұйымдастыратын Car Park Drift атты ерекше дрифт сериясы бар.

Red Bull Car Park Drift, 20–22 тамыз

Қапшағай жағалауында орналасқан ASP Arena аумағында Red Bull Car Park Drift қатысушылары трассада дайындалып жатыр. Бұл серияда пилоттар бір-бірімен жарыспай, кедергілері бар жолды жеке-жеке сырғанап өтіп, көп ұпай жинауға тырысады.

Төрелік ету схемасы жарыс болып жатқан елге қарай өзгереді. Қазақстанда ең жоғары — 300 ұпай үш төрешіге тең бөлінеді. Пилоттар бұрылыс, жылдамдық, траектория, дыбыс және дөңгелек астынан шыққан түтінге сай бағаланады.

Red Bull Car Park Drift форматы Қазақстандағы автоспорттың ардагерлеріне Drift Games жарыс сериясын еске салуы мүмкін. Ол кезде ұйымдастырушылар кедергілері бар жол жасап, әр маневр үшін ұпай берген, шабандоздар тоқтамай жасаған дрифті үшін қосымша бонус алған.

Іріктеу кезеңі 21 тамызға жоспарланған және 12:00-де басталады. Үздік 20 қатысушы 22 тамызда негізгі жарыста өнер көрсетеді. ASP Arena көрермендерді 16:00-де кіргізе бастайды, ал жарыстың ресми ашылуы 18:00-де өтеді.

Кіру ақылы. Ересектерге арналған бір күндік билеттің бағасы 3000 теңгеден басталады. Билетті онлайн сатып алуға болады.

Drag Wars жарысының төртінші кезеңі, 21–22 тамыз

Алматы — Астана трассасының 76-шақырымында орналасқан Sokol кешенінде Drag Wars жарысының төртінші кезеңі өтеді. Шабандоздар бірнеше класс бойынша бақ сынайды. Олар машинаның жетек түріне немесе қозғалтқыш қуатына емес, 402 метрді жүріп өту уақытына қарай бөлінеді. Ең баяу категорияға межені 13–14 секундта бағындыратын көліктер кірсе, Unlim деп аталатын ең жылдам класқа ширек мильді 9.5 секундтан аз уақытта еңсере алатын арнайы болидтер ғана қатысады.

View this post on Instagram

A post shared by Sokol Drag Wars 🚀 (@dragwars.kz)

21 тамызда 21:00-де іріктеу жарысы басталады, ал негізгі жарыс 22 тамыз, сенбі 20:00-ге жоспарланған. Кіру ақылы. Жұмада билет бағасы — 3000 теңге. Сенбіде трибунаға кіру құны — 5000 теңге. Жабық техникалық паркке кіруге мүмкіндік беретін VIP-билетті онлайн алсаңыз 10 000 теңге төлейсіз.

Sokol-дың үлкен айналма жолындағы трек күні

23 тамызда ашық трек күні өтеді. Қатысушылар 14:00 мен 19:00 аралығында 15 минуттық бірнеше сессияда өнер көрсетеді. Қанша сайыс өтетіні пилот санына байланысты.

Жарыста бақ сынау үшін ФАМС сертификаты керек емес, бірақ машина мына техникалық талаптарға сай болуға тиіс: техникалық сұйықтық ақпауы, тежеуіш дискілері мен қалыптары жақсы жағдайда болуы, көлемі бір литрден кем емес өртсөндіргіш орнатылуы.

View this post on Instagram

A post shared by Sokol Time Attack (@sokol_time_attack)

Машиналар Time Attack үшін белгіленген класына сай жолға шығады. Талаптардың толық тізімін ұйымдастырушының сайтынан қараңыз.

Трек күніне қатысу үшін бір пилот 35 000 теңге төлейді.

Sokol картодромындағы мототрек күні

23 тамызда кешеннің кіші айналма жолында мотоциклшілерге арналған трек күні өтеді. Ұйымдастырушылар жарысты 20:00-де бастап, 01:00-де аяқтауды көздеп отыр. Қатысу құны — 15 000 теңге.

Мотоциклде техникалық ақау болмауға тиіс. Міндетті жабықтарға мотоцикл шлемі, арқа, иық және шынтақты қорғайтын мотокүртеше, тізені қорғайтын мотошалбар, арнайы қолғап және тұмсығы қатты мотоетік кіреді. Талаптар мен қатысу шарттары туралы толық ақпаратты жарысқа тіркелу парақшасынан таба аласыз.

View this post on Instagram

A post shared by Superbike Club (@sbkclubkz)