Chevrolet-нің жаңа электромобилі — Қытай өнімі

General Motors концерні Оңтүстік Америка, Азия және Африкада арзан батареялы хетчбэк сатуды жоспарлап отыр. GM Authority басылымы жобамен байланысты дереккөзіне сүйеніп, осындай ақпарат таратты. Бірақ ол жаңа техника емес, компания Wuling Bingo Pro моделін өз қажетіне қарай бейімдейді екен.

1 / 5

• 
• 
• 
• 
• 

1 / 5

Ұзындығы төрт метрден сәл асатын көліктің дөңгелек базасы 2.56 метр шамасында, 88 ат күшіне ие электрлі мотормен жүреді. Агрегат 31.9 не 37.9 кВт·сағ батареядан қуат алады. Қытайда бұл машина биыл сәуірде саудаға шыққан, бағасы 58 800 юаньнан (4.1 млн теңге) басталады.

1 / 5

• 
• 
• 
• 
• 

1 / 5

Chevrolet маркасы SAIC-GM-Wuling бірлескен кәсіпорнының өнімін алғаш рет пайдаланып отырған жоқ. Baojun Yep Plus кезінде Spark атауымен ұсынса, батареялы Captiva шын мәнінде Wuling Starlight S еді. Орта Азияда да «шеви» осы тәсілін қолданып жүр. Мәселен, Өзбекстанда біраз уақыт бұрын Wuling Hongguang V-ден жасалған екінші буындағы Damas-тың премьерасы өтті.