Toyota қазанның аяғында Japan Mobility Show көрмесінде қызғылт түсті үш есікті люкс Century Coupe моделін таныстырған, енді осы модель іштен жанатын қозғалтқышпен жүретіні белгілі болды. Бұл туралы компанияның агрегат бөлімшесінің басшысы Такаси Уэхара аустралиялық Car Expert басылымына хабарлады, бірақ нақты қандай қозғалтқыш болатынын ашып айтқан жоқ.
Басылым кросс-купе Lexus IS F, LC500 және шетел нарығына арналған LS500 седанындағы атмосфералы V8 моторларының бірімен жүреді деп болжап отыр. Марка солардың бірін гибрид Century лимузиніне орнатқан.
V8 капот астында жеке орналаса ма, әлде бензоэлектрлі күштік құрылымның құрамында бола ма, белгісіз. Toyota әлі нақты шешім қабылдамаған. Бірақ Century Coupe толыққанды электромобиль болмайтыны анық, мұны компания өкілі растады.
Көпарналы агрегатты дамыту стратегиясы аясында Toyota инженерлері әлемнің әртүрлі нарығына арнап жаңа буындағы іштен жанатын қозғалтқыштар жасап жатыр. Олардың модульдік құрылымы әр модельге байланысты цилиндр санын өзгертуге мүмкіндік береді, мұндай моторды алдыңғы, артқы немесе толық жетекті машинаға көлденең де, бойлай да орнатуға болады.
Комментариев: 0