Cadillac GM электромобиль топтамасына қосылатын Vistiq кроссоверін таныстырды. Толық ақпарат кейінірек шығады, әзірге тек суреттер мен қысқа ролик бар.
Дәстүрлі моторы жоқ бесінші «кадиллак» 800 вольтты Ultium платформасына негізделген және дизайны сол Lyriq пен Escalade IQ-ді еске салады, ал шанақ өлшемі соңғысына жақын.
Жүк салғыш қақпағындағы жапсырма Lyriq-тегі сияқты күштік құрылымның бірегейлігін білдіреді. Толық жетекті жүйесі бар алдыңғы және артқы екі мотор 500 ат күшін (610 Нм) береді, қосымша қуаттаусыз 500 шақырым жүре алады. Vistiq үшін көрсеткіш төмен болуы мүмкін, өйткені ол салоны кең үш қатарлы отбасылық кроссовер болып есептеледі.
Осы жылы Қытайда Cadillac саудасы өз еліндегі көрсеткіштен асып кеткенін ескерсек, жаңа автомобиль шетелдік тұтынушының талғамына бағытталған болуы мүмкін. Американың өзінде брендтің электрлі машиналары күткеннен аз сатылды.
Әдейі ме, әлде кездейсоқ па, Vistiq пайда болған кезде компанияның электрлі модельдерінің бас әріптерінен LOVE аббревиатурасы құралды: Lyriq — Optiq — Vistiq — Escalade. Бренд қай автоөндірушіні меңзеп тұрғанын аңғару қиын емес.
Комментариев: 0