Cadillac Optiq Қытай нарығына шығады

Үш жыл бұрын Cadillac Optiq деген атауды тіркеген, енді оны жарыққа шығаратын кез келді. Қысқаша атауға ие батареялы кроссоверді Уханьдағы СП GM-SAIC зауыты өндіреді. Машина Қытайда 2023 жылдың екінші жартысында сатылымға шығады. Бағасы 300 мың юаньнан (42 мың доллар) басталады, флагмандық ЕV топтамасындағы Lyriq моделі елде 380 мың юаньға (52 мың доллар) сатылып жатыр.

Қытайдың өнеркәсіп және ақпараттық технологиялар министрлігі сатылатын барлық машина туралы ақпарат жарияланған каталогта «Оптиктің» алдын ала сипаттамасын жариялады. Өлшемі 4822×1912×1642 мм, ал дөңгелек базасы 2954 мм болатын Optiq флагмандық Lyriq-тен кіші, бірақ бензинді XT5 кроссоверімен шамалас.

Нарыққа қуаты екі түрлі (201 және 244 а.к.) бір электромотормен жабдықталған түрленім шығады. Ең жоғары жылдамдығы сағатына 180 шақырым болады. Кейін бұдан қуатты мотор шыға ма, жоқ па, белгісіз. Батареяны SAIC мен CATL бірлескен кәсіпорыны өндіреді.

Optiq — Cadillaс-тың үш электромобилінің бірі. Тұсаукесері 2023 жылға жоспарланған. Кроссовердің бәрі тарихи отанында сатылмайтын сияқты.