General Motors 16 мамырда «Көліктегілердің психикалық жағдайын бағалау және қарсы шара қабылдау» деп аталатын өнімін патенттеді, мұндай алгоритм машина ішіндегі орынсыз әрекеттерді анықтай алады.
Motor1.com хабарлағандай, бұл жүйенің әдеттегі автопилоттан айырмашылығы, борт компьютері кенет тежеу немесе үдеуді және сигнал басу жиілігін бақылау арқылы жүргізу стилін бағалайды. Борт мультимедиасының микрофоны арқылы салонда не болып жатқанын тыңдап, жүргізушімен диалог құруға мүмкіндік бар.
Он беттен тұратын құжатта бұл — жүргізушінің мінез-құлқын бағалап, «оның әрекеті тиісті деңгейден асып кетсе» қарсы шара қолданатын жүйе деп жазылған. Басқаша айтқанда, жүйе АҚШ жұрты road rage (ашуланшақ жүргізушіге қарата айтылады) деп атайтын әдетпен күреседі.
Жүйе оғаш қимыл жасаған жүргізушіні екі түрлі сценарий бойынша тыныштандырады. Жеңіл жолы — машина алдымен оны кең тыныс алуға шақырады, содан кейін біреуге қоңырау шалуды ұсынады немесе өзі ескерту қоңырауын жасайды.
Ал қатаң тәсіл бойынша бір немесе бірнеше электронды көмекшіні іске қосып, жүргізушіні рөлден ажыратады. Патентте мұны ADAS деп сипаттаған, яғни, «автономды басқаруға рұқсат етілген… жүргізуші көлікті басқаруға қатыспаса болады…».
Бірақ бұл идеяны жүзеге асыру қиын. Мұндай тәсіл жүргізушілерге ғана емес, құқық қорғаушыларға да ұнамайтыны анық.
Комментариев: 0