Бір жыл бұрын көрсетілген концептімен салыстырғанда, тауарлық нұсқаға қарапайым айна орнатылып, есік тұтқасы жарықпен жабдықталмапты. Басқа өзгешелік жоқ, сондықтан модельді былтыр ұнатқандардың ойы еш өзгермейді. Машинаның дизайны айрықша деп айту қиын, футуризмнен ада темір тұлпар маркаға тән ерекшеліктерді сақтап қалды. Дөңгелек базасы үш метрге жететін бес есікті ірі кроссовер өз тұтынушыларының талғамына сай жасалған.
Алдымен артқы осінде бір электромоторы (345 а.к., 440 Нм) бар нұсқа өндіріледі. Ал толық жетекті көлік болашақта жарық көреді. GM мен LG бірігіп әзірлеген Ultium батареясының қуаты 483 шақырымға жетеді. Сонымен қатар жылдам қуаттау жүйесі қолжетімді, бұл машинаны үйде қуаттауға мүмкіндік береді.
Салонда 33 дюймдік ойыс айна бірден көзге түседі. Климат-бақылау батырма арқылы басқарылады. Одан бөлек көлік Super Cruise автопилотымен, 19 динамигі бар AKG акустика жүйесімен жабдықталған. Жүксалғыш көлемі — 793/1723 л.
АҚШ-та Cadillac Lyriq кроссоверіне тапсырыс қабылдау күзде басталады. Бағасы субсидияны есептемегенде 60 мың доллар шамасында болады.
Комментариев: 0