BYD Han-ның жаңа буынын ұсынады

Қытай брендінің топтамасына 2020 жылы қосылған BYD Han бірнеше мәрте түрленген. Енді буын алмастыратын уақыт жетті. Жаңа нұсқаның прототипі жақында жолда көзге түсті.

Модель Dragon Face стилистикасының жаңа нұсқасына сай жасалған. Марка седанға Blade батареясының екінші буынын орнатқан, оны аса қуатты Flash Charging станциясында қуаттауға болады. Сондай-ақ DiSus-C және DiSus-A аспа жүйесімен, лидары бар DiPilot 300 электрондық көмекшілер кешенімен жабдықталады.

Суреттен салоны минимализм стилінде жасалғаны байқалады. Ортаңғы консольде трансмиссия селекторы және батырма мен ауыстырып-қосқыштар жоқ. Олардың орнын жіңішке пернелер қатары мен гаджетті сымсыз қуаттайтын орын басқан.

Han-ның күштік құрылымы жайлы қазірше ақпарат жоқ. Бірақ жергілікті БАҚ-тың ақпаратына сүйенсек, модель гибрид және толық электрлі нұсқасын сақтап қалады. Бағасы 200 мың юаньнан (13.4 млн теңге) басталады.