BYD 5.1 метрлік Seal 08 седанын көрсетті

BYD жаңа өнім туралы толық ақпарат жариялады. Өлшемдері — 5150 × 1999 × 1505 мм, дөңгелек базасы — 3030 мм. Толық өлшемді Seal 08 заманауи фирмалық дизайн алды. Пішіні біркелкі және оптика сұлбасы толқын тәрізді. Модель екі түрлі күштік құрылыммен жабдықталады.

1 / 5

BYD представила 5.1-метровый седан Seal 08

BYD Seal 08 DM-i

1 / 5

Алдыңғы жетекті DM-i (қосылатын гибрид) түрленімі 154 ат күшіне ие 1.5 литрлік турбомотор мен 268 ат күшін беретін электромоторға негізделген. Екі электрлі қозғалтқышы бар толық жетекті DM-p нұсқасының жалпы қуаты 544 ат күшіне тең. 45.36 киловаттық литий-темір-фосфатты аккумулятормен жүріс қоры 270–300 шақырымға (WLTC стандарты бойынша) жетеді.

Толық электрлі Seal 08 екінші буындағы Blade аккумуляторы және жылдам қуаттау мүмкіндігі бар 800 вольттық архитектураға негізделеді. 400 шақырымға жететін энергия қорын 5 минутта толтыруға болады. Бұның толық жетекті модификациясы да бар. 644 ат күшін беретін агрегаттың көмегімен алғашқы жүздікті еңсеруге 5 секундтан аз уақыт жұмсайды.

1 / 8

BYD Seal 08 DM-p

1 / 8

Көлік басқарылатын артқы дөңгелек пен пневматикалық аспадан тұратын DiSus-A интеллектуал тұрақтандыру жүйесімен жабдықталған. Бұл жүйе белсенді бәсеңдету, клиренсті автоматты реттеу арқылы жүрісті жайлы етеді.

1 / 4

Интерьері Ocean Aesthetics 2.0 концептісіне тән ұстамды стиль, ашық түстер және хром элементтер алды. Ортаңғы консольде үлкен планшет тұр, селектор рөл жаққа ауысқан, ал негізгі функцияларды жүргізуші физикалық батырмалармен басқарады. Артқы жолаушылар үшін жеке климат-бақылау экранын, шағын жиналмалы үстел және кең ортаңғы шынтақ тіреуіш орнатқан.

BYD Seal 08 Қытайда 2026 жылдың екінші тоқсанында саудаға шығады. Ресми бағасы әлі белгісіз, бірақ сарапшылардың болжамынша бағасы 300-350 мың юань (20.8–24.3 млн теңге) аралығында болады.

Комментариев: 0