Бірнеше жыл бұрын BMW орындық жылытқышты ақылы етіп, сынға қалған. Бұл идея қолдау таппай, жоба тоқтады. Дегенмен компания сервистің басқа түрін енгізетінін айтты.
BMW кейбір нарықта жаңа iX3 кроссоверінде айнала шолу камерасын пайдаланып, бейімді аспаны қосатын жүргізушілерден ай сайын төлем жасауды сұрады. Аустралияда соңғы опция айына 29 доллар (10 мың теңге) тұрады. Бірақ камералар мен бейімді аспаның жұмыс істеуіне қажет барлық жабдық көлік бағасына кіреді.
BMW жақсарған жүргізуші ассистенттерінің кешенін іске қосу немесе оның функциясын арттыратын бағдарламалық жасақтаманы тұрақты жаңарту мүмкіндігін ұсынады. Drive басылымына сұхбат берген коммуникация бөлімінің жетекшісі Александра Ландерс бұл жағдайда төлем алу орынды, себебі BMW аталған функцияларды онлайн сервистер арқылы ұсынғанда шығындалады деді.
Компания көлік қуатын арттыратын функция қоспайтынын атап өтті. Былтыр жазда Ұлыбританияда мұндай опция Volkswagen ID.3 моделінде пайда болды.
Комментариев: 0