Биыл ақпаннан бастап Tesla клиенттері FSD немесе Full Self-Driving (Supervised) деп аталатын «автопилоттың» толық пакетін біржола сатып ала алмайды. Илон Маск кешенді тек абоненттік төлем жасап пайдалануға болады деді.
Қазір Tesla электромобиліне тапсырыс бергенде FSD пакетін қосымша опция ретінде 8000 долларға (4.1 млн теңге) қосуға мүмкіндік бар. Көлік иесі «Автопилот» үшін ай сайын 99 доллар (50 мың теңге) төлейді.
Осындай сервис ұсынып отырған Tesla ғана емес. АҚШ-та GM, Ford және Rivian жүргізуші ассистенттері үшін ақша алады. Бағасы — 50-99 доллар.
Басқа брендтер бұдан ерекше опцияларды сынап көрген. Мәселен, BMW орындық жылытқыш үшін абоненттік төлем қосты, Mercedes-Benz электромобильдің алғашқы жүздікті еңсеру уақытын бір секундқа қысқартатын опция жасады, Volkswagen концерні ID топтамасындағы модельдердің қуатын арттыратын функция сатты.
Комментариев: 0