BMW сатылы раманы патенттеді

Былтыр жазда Automotive News басылымы BMW ішіндегі белгісіз дереккөзге сілтеме жасап, компания жаңа модель әзірлеп жатқанын хабарлаған. Ол Mercedes-Benz G-Class-пен бәсекеге түседі. Сол кезде машина BMW X5-тің шассиіне негізделеді деген ақпарат тарады. Германия патент бюросының базасындағы жаңа құжаттан марка іске білек сыбана кірскенін көруге болады.

Құжаттабейімделгіш сатылы рама туралы жазылған. BMW оны болаттан және көміртек талшықтан жасамақшы. Автоөндіруші дәнекерленген емес, құйма рама дайындайды. Ол үш біріккен блоктан тұрады. Мұндай құрылым іштен жанатын қозғалтқышы бар көлікке емес, электромобильге арналған. Ортаңғы бөлігіндегі ойыққа батарея жайғасады.

BMW бұл платформаны G74 индексті жол талғамайтын көлікке қолданса, клиенттерге тек электрлі нұсқасын ұсынуы мүмкін. Рамалы платформа бірнеше модельге негіз бола алады.