Аңызға айналған Mercedes-BenzG-Class-тың беделі бавариялық автоөндірушіге маза бермей жүрген сияқты. Automotive News инсайдері берген мәліметке сүйеніп, компания геликтің бәсекелесі атанатын люкс класты машина әзірлей бастады деп жазды.
Жобаға қатысты ақпарат көп емес. Тек зауытта G74 индексін алғаны, келесі буындағы X5-тің бейімді шассиіне негізделетіні белгілі. Жол талғамайтын көлікке тән стильде әрленетін автомобиль қырлы пішінді, жолсыз жерде жүру мүмкіндігі жоғары болады.
BMW қазір жолда жүрген X5-ті xOffroad пакетімен сата бастады. Ол түбін жақсы қорғайтын жабдық, бүртабан шина, жүріс электроникасының қосымша режимдері мен бұғатталатын артқы дифференциалдан тұрады
Күштік құрылымына келер болсақ, бренд гибрид қолданады деген болжам бар, ал X5-ті толыққанды электромобиль түрінде де, отын элементтерінің көмегімен қозғалатын машина ретінде де ұсынады. Соңғы түрленімді Toyota-мен бірге құрастырады.
BMW-ның жаңа өнімін Спартанбургтегі зауыт шығарады, ол 2028 не 2029 жылы BMW XM-нің орнына конвейерге тұрады.
Комментариев: 0